年廿八，洗邋遢，今天我和豆豆爸沒有在家洗邋遢，去了看【馬利與我】，其實在2007年我已經看過原著，書上亦寫著故事將會拍成電影，當時已經好期待，等了一年多，終於看到了！
電影有些地方刪減了，但總算沒有將原著更改得太多。電影的前半部拍得很惹笑，由其是馬利接受訓練的一段，那位自以為是的訓練師不單只控制不了馬利，還被馬利給拉至躺在地上....看得我和豆豆爸都忍不住哈哈大笑起來
到最後一段，我以為怎樣說，我也已經看過原著，有十足心理準備，一定不會哭吧！但......但.......結果眼淚還是忍不住......
總括來說，我和豆豆爸都覺得電影很不錯，內容不想說太多了，留待大家去看！不過‘眼淺’的朋友記著帶紙巾呀！
豆豆媽
每逢D狗狗的電影我一定係買DVD，不敢去戲院出醜呢~~
回覆刪除[版主回覆01/24/2009 23:17:00]我好想睇，忍唔到等DVD，結果眼紅紅出戲院
睇完豆媽呢篇Blog 我都係等馬利與我出左DVD先睇好喇 因為…我都係一個眼淺嘅人黎呢
回覆刪除[版主回覆01/24/2009 23:19:00]我都好眼淺，如果o係屋企睇可以喊得痛快D ，但o係戲院睇多人D，又好似笑得開心D
我都想睇, 又怕忍唔住.....
回覆刪除[版主回覆01/24/2009 23:21:00]咁啊......如果忍得唔睇住，都係等出碟啦 ！
祝新年快樂, 心想事成! 和豆氏一家開開心心!
回覆刪除我都好想睇'馬利與我', 我諗霖霖一定喊, 因為佢睇親小動物題材的戲都一定喊, 好似"小Q"之類咁.
[版主回覆01/25/2009 16:20:00]多謝！新年快樂啊！
SORRY借個位一用 :
回覆刪除求救!!!
我今日晚上約11時係沙田博康村7仔到見到一隻無主人既啡色poodle, 男仔, 我估佢1-2歲, 因為佢好百yim.
因為佢走左入7仔, 售貨員打電話報左警. 無幾耐就有警察黎.
我同警察一路跟住佢成個幾鐘, 最後有對好好人既情侶俾左隻狗繩我地. 我地捉到佢. 但隻poodle叻到咬斷左條繩......
依家隻狗狗俾警察帶左返田心警局. 有個好衰既警察 (編號21641)話好快就會人道毀滅.....
我搵左好多friend都無辨法幫到手, 希望大家想想辦法....
回覆刪除(Empty)
回覆刪除[版主回覆01/25/2009 16:19:00]嘩！好叻 ！！多謝Totti！恭喜恭喜！
我都有睇, 電影除了說狗狗的破壞力和最後的感人場面之外,反而有一幕鬆帶跳落水令我印象深刻. 我覺得電影的主題是借一隻不受束博的小狗來比喻城市人太多束博, 太受限制. 馬利雖然破壞力強, 又不受控制, 主角一家依然愛牠, 也不想逼牠去受訓. 我想, 如果是香港人, 一早唔要佢lu.
回覆刪除[版主回覆01/29/2009 14:33:00]恭喜發財，祝你一家新年快樂，身體健康，事事如意呀！
海灘放繩果段我都好深印象，拍得好好，好能夠表現到狗狗好開心，好享受o係海灘跑！如果多D地方可以俾狗狗去玩，無驅無策咁跑跑跳跳就好啦！
我宜家剛剛開始睇緊本書咋, 但已經令我眼濕濕囉, 套戲都係留喺屋企睇算囉, 尤其宜家有左小朋友真係想出街都唔得呢!
回覆刪除[版主回覆02/04/2009 18:48:00]本書都好好睇！o係屋企睇都好啊！可以同謙謙一齊睇！