2011年10月6日 星期四
2011年9月9日 星期五
豆豆、豆花近況
今日帶豆豆去尖沙咀獸醫打針，醫生同姑娘都話佢唔似十歲，仲係好活躍同爛玩，又為食！姑娘請佢食左小食，佢就一直纏住人地，又碌地又到人一面口水......
豆豆，媽咪真係好希望你一直健康活潑！
豆花一直身體都麻麻地，由08年個肝發炎之後，每年驗血，肝指數ALT都偏高，不過幸好食住藥都控制到，冇乜事，雖然如此每次佢起水我都會有D擔心，因為醫生話過上次肝炎可能係子宮引發。今次豆花7月6日開始，到而家已經二個幾月，好似時間真係長左D，上次49日，今次66日都未完，總係仲有D血水，除此又好似冇乜唔舒服，食得玩得痾得瞓得！諗來諗去都係唔放心，今日決定帶佢見醫生，驗驗尿。驗尿結果正常，冇發炎，又冇發燒，醫生摸佢肚仔，子宮冇明顯腫脹，只係覺得子宮壁有D厚左，佢話可以觀察下先，D血水應該會慢慢收。希望豆花冇事唔好病啦......
2011年9月5日 星期一
2011年8月5日 星期五
Yahoo! BLOG升級
好耐冇寫Blog啦.....但係因為佢就快升級.....我又唔想冇左個Blog，所以都開左個研究下
豆家四隻都很好，冇穿冇爛，食得瞓得玩得痾得
新Blog既Link：
http://blog.yahoo.com/livingwithcorgiblog/articles/page/1
唔知有幾多朋友仔有upgrade左呢？
.....但係又驚會亂七八糟.....
2011年8月2日 星期二
訂閱：
意見 (Atom)