跳水高手囡囡

自從去年囡囡學會了跳水之後，豆豆爸一直都很熱衷給囡囡拍跳水的相片，但由於按快門的時間要拿捏得準實在不容易，往往試拍很多次，才有一、二張比較好，有時就連很喜歡跳水的囡囡也忍不住要問：「爹地，到底影到未呀！？」

今天我們又帶囡囡去香港狗公園跳水了，一到公園，就見到達達已經到了，我立即入去繳入場費，工作人員告訴我今天做推廣，入會有‘狗狗寶礦力’送，我想達達已經入了會，今年應該不愁沒有伴來游水，於是我也給囡囡辦了入會手續，拿了的‘狗狗寶礦力’正好一會兒給囡囡補充體力。

「爹地的相機O.K.？」我問。
「O.K.，來啦！」今天豆豆爸信心十足，當然啦！今年他有高速相機嘛！
「好！囡囡準備！」我發施號令。
「哇......！」囡囡用力一跳。
「爹地！爹地！影唔影到呀？！影得我靚唔靚呀！......咦！點解得水花？又話咩......1秒60張，實影到？！」囡囡一上水就問。
「唔......呢個問題......失手......再來，今次開埋預錄功能，一定得！」豆豆爸依然信心十足，原來相機有預錄功能，可以在你半按快門時已經開始預錄，就算你按快門有少少遲，都不怕影不到，真是體貼呢！

於是豆豆爸比去年輕鬆得多，就影到囡囡跳水的漂亮姿勢了！還拍了每秒300格的高速片段，清楚影到囡囡跳水時張大嘴巴大叫的情況，哈哈！

囡囡：「哇！我跳！」

每秒300格高速片段

給囡囡補充體力的‘狗狗寶礦力’

 

豆豆媽