媽咪說游水對身體好，所以她一年四季都會去YMCA的室內泳池游水，而我住年就只有夏天天氣好的時候，媽咪、爹地才會帶我去元朗的狗泳池游水。不過最近爹地知道了大角咀開了一間新的寵物酒店，裡面有個室內的狗狗泳池，池水溫度和YMCA一樣是恆溫的，以後我就可以好似媽咪一樣，一年四季都去可以游水水啦！
今日下午爹地、媽咪有時間，就率先帶了我去試試這個新泳池了。泳池雖然不算太大，爹地數數地磚，粗略計算一下，說泳池大約200平方尺，但對於我來說，其實都O.K.，而且在這裡游水，還不怕曬到我黑黚黚呢！嘻嘻！
工作人員姐姐先幫我洗白白，歌仔都有得唱：‘啦啦啦......阿媽教落，無沖洗過就唔好游.....
我們在泳池玩了45分鐘，姐姐又帶了我去沖身，然後再幫我吹乾全身的毛毛。媽咪說平時我們去元朗泳池玩，$350來回車費加上$95游水費用，都要四百幾元，現在車費只要$80，游水連洗澡$390，算起來使費其實差不多，但是這裡有人幫我洗白白，爹地、媽咪動也不用動，我便可以香噴噴，乾乾爽爽的回家了，實在也不錯！
我們走時，在門口遇到一個姨姨，她說剛才有看我游水，還讚我游得叻叻！哈哈！不知道今年媽咪會不會多點帶我去游水呢？！
囡囡
地方好唔錯喎, 不過唔平呢! 只是豆花一個去嗎?
回覆刪除[版主回覆04/25/2008 21:27:00]其實都唔平，不過因為我地冇車，去元朗來回車費都唔平，計落差唔多。
今次係囡囡，下次再帶豆花。
那酒店的地址是??
回覆刪除[版主回覆04/25/2008 21:32:00]大角咀塘尾道197-199號地下，雷生春對面。
游一次水都要四百幾元 養一隻狗要４０萬就係甘黎架啦！！！！！
回覆刪除[版主回覆04/26/2008 17:34:00]hehe ，鬼叫我咁o錫佢地咩，計落40萬可以游1000次水！
環境唔錯喔！等我話俾契女媽咪知 睇下佢有冇興趣試下先
回覆刪除[版主回覆04/26/2008 17:37:00]我覺得都唔錯，幾乾淨。不過如果想幾隻狗一齊玩可能會覺得細d，只係勝在近同包沖涼。
eee? 好似幾正喎,又乾淨, 唔知我個衰女肯唔肯游呢?
回覆刪除[版主回覆04/26/2008 17:41:00]Circle話：阿媽，你唔落去游！我唔游個喎！
真係好吸引啊！Gordon咁大個仔都未游過水的，唔知佢識唔識游呢？
回覆刪除[版主回覆04/26/2008 17:45:00]其實見到佢地游水，真係好開心！我覺得佢地會識游，不過有d第一次會驚，同唔鐘意。如果第一次去海灘好d！
簡真係頂級享受呀! 成個池都係自己一個人游, 正呀!! 又有人幫你服待你沖涼, 真係幾好呀
回覆刪除[版主回覆04/26/2008 18:02:00]最正係近，同埋自己唔駛同佢沖涼！ 不過自己一個游又覺得冇咁熱鬧 ，如果想影相，果度就唔得啦，室內光始終冇室外咁好！
$390一次連遊水都幾貴，不過話晒游水、沖涼一次過做晒，都幾乾手淨腳。
回覆刪除[版主回覆04/26/2008 23:05:00]係啊！又近，玩完自己又唔駛再同佢沖涼，都幾好！
我知邊間.. 我上星期六都經過.. 不過唔係深水埗, 係大角咀咩??
回覆刪除[版主回覆04/29/2008 20:42:00]雷生春對面，果度o係深水埗, 定o係大角咀？
豬頭 : 囡囡你媽咪係米包咗成個埸呀!得你一個游嘅
回覆刪除[版主回覆04/29/2008 20:43:00]係呀！而家暫時佢地都係安排一隻一隻游，所以要預先Book時間。
之前都想試, 但價錢比較貴 不過多個選擇呢 ^__^ 最緊要就係可以沖埋涼 唔洗我地落手落街 ahahahh!!!
回覆刪除[版主回覆05/02/2008 17:23:00]係呀！懶懶地唔想郁手就最好！
丫......次次都係楂車經過,原來入面係有泳池架,搵日試下先
回覆刪除[版主回覆05/02/2008 17:25:00]而家做緊promote，好似平d，你可以先打電話問清楚。
都算近我喎...請問可否只游水而唔沖涼?會唔會平d?
回覆刪除[版主回覆05/02/2008 17:31:00]唔可以淨游水，因為佢地規定要先沖涼，然後先落池游水，不過而家做緊promote，好似平d，你可以先打電話問清楚。電話：34228818田園寵物酒店
都幾好喎,是市區可以同佢沖涼同游水
回覆刪除我隻狗狗唔識游水AR..禁點算..?!
回覆刪除仲有邊到同狗狗好玩既好去處AR?!..
[版主回覆06/18/2008 22:46:00]可以試同佢去海灘，淺水處學，會易適應。
游水連洗澡$390價錢比較貴D !!
回覆刪除係大角咀都好近我，$ 400啊，好像有點兒貴，個度除了swim，仲有無其他活動??
回覆刪除[版主回覆06/18/2008 22:47:00]冇呀！淨係得泳池咋！
有冇d平d架!
回覆刪除