二星期前醫生給的抗生素，豆豆已經吃完了，‘小雞雞’也好多了，沒有再整天舔。今天我和豆豆爸會去旺角買水龍頭，順道帶豆豆的尿尿去太平道動物診所覆檢，為了取得最新鮮的尿尿，於是便在出門前才叫豆豆去尿尿。
不知是不是見到我手上拿著個盛尿尿的小瓶，豆豆就是不去，好像我會暗算牠似的，就是肯尿，也只尿一丁點兒。豆豆還好像特地不給我尿尿，我在左邊接，牠就提右腳；我在右邊接，牠就提左腳，氣死我！
結果出來，豆豆的尿晶石已經少了，不過尿尿仍然較鹼，還有發炎，要多吃二星期藥和s/d處方罐頭，再拿尿尿回去驗。唉！豆豆你要快快好起來啊！又要辛苦豆豆爸搬罐頭了！
豆豆媽
P.S. 有關發現豆豆有尿晶石的事已經於：‘豆豆又病了！’中發表。
連結：http://hk.myblog.yahoo.com/livingwith-corgi/article?mid=2315
願豆豆早日康復
回覆刪除[版主回覆02/22/2008 23:28:00]Thank you!
豆豆，你要快d好番。
回覆刪除[版主回覆02/23/2008 22:45:00]多謝關心！
豆豆, 祝您早日康復, 開開心心.
回覆刪除[版主回覆02/23/2008 22:46:00]豆豆：我會乖乖快D好番，再叫媽咪帶我去玩，幫我影相啦！
發生乜嘢事呀???
回覆刪除豆豆你要叻叻,快D好番呀!!
[版主回覆02/23/2008 22:49:00]佢‘小雞雞’發炎，帶佢睇醫生，驗尿發現有晶石，而家要食藥同s/d罐頭。
我個女之前都有尿晶石呀! 食完一個療程大約半年處方糧, 雖然有好轉, 但未好到斷尾羅! 成日都番發+尿道發炎, 已經睇左幾個月醫生都醫唔好, 食抗生素食到個鼻白晒.
回覆刪除經朋友介紹轉左食burns狗糧(因ph值問題, 要low protein既糧較適合), 食左一個月後兼介食零食, 去覆診驗下, 尿既所有拍數回復正常, 又無再發炎.
不過, 始終隻隻狗狗都不同, 佢食得好的話就無問題啦!
祝豆豆,早日康復! 飲多d水呀!
[版主回覆02/23/2008 22:51:00]哦！唔該晒你啊！等我同豆爸商量同豆豆轉糧先！
是否無端端會有,女就係咁架? 祝豆豆快d好!
回覆刪除是否無端端會有,女就係咁架? 祝豆豆快d好!
回覆刪除[版主回覆02/23/2008 22:53:00]其實都唔知點解會有，可能同食糧有關，豆豆係仔仔，不過呢種晶石仔女都有機會有。
仍然繼續要食? 豆豆你快D好返啦 唔係你爸媽就黎要破產了
回覆刪除[版主回覆02/23/2008 23:00:00]係啊！日驗尿$220，藥$200，s/d罐頭$265，真係就黎破產啦！
仲未好番呀??!!!!! 豆豆你要乖乖食藥呀!!!!
回覆刪除[版主回覆02/23/2008 23:02:00]未啊！希望佢食埋D藥就好番晒啦！不過好采佢食藥都算乖。
豆豆怕尿尿整污糟你個樽仔, 點都唔肯or.
回覆刪除豆豆你要叻叻呀, 媽媽擔心c 啦
[版主回覆02/24/2008 16:37:00]豆豆怕尿尿整污糟我個樽仔，但係佢d尿尿整污糟我隻手呢！
我家的小狗都有呢個問題啊!不過佢食近c/d!
回覆刪除[版主回覆02/24/2008 16:35:00]咁你個小朋友食c/d 幾耐呀？食有冇好d啊？醫生都有建議豆豆好番之後食c/d乾糧。
豬頭 : s/d 長食唔係太好 ~ 動物係治療其間﹐多會配合s/d食糧。當好轉就會轉食c/d
回覆刪除[版主回覆02/24/2008 20:15:00]唔該晒，醫生都建議好番轉食c/d
祝早日康復啊! 有時我見菇b飲水少都要迫佢飲呢, 因為我都驚佢少飲水會有尿道炎呢!
回覆刪除[版主回覆02/25/2008 22:07:00]多謝！係呀！飲多d水好啊！