今晚，我和豆豆爸帶了囡囡，約同Circle媽和Circle去了互動電視在中環的直播室，接受「歡樂健康台—貓朋狗友大搜查」節目的訪問。我們7:00上到直播室準備，主持殷寧小姐告訴我們，節目將準時8:00開始，第一部份會先訪問特別嘉賓樊亦敏小姐(Amy)，我們的部份就會在8:30左右開始。
由於今次是現場直播的節目，所以我實在有點緊張，唯有盡量和Circle媽及其他工作人員談天說地，以求分散注意力，囡囡和Circle當然就一點不緊張，四周圍找人玩，工作人員還請牠們吃好香的士多啤梨味小食！
後來Amy入了直播室接受訪問，豆豆爸就趁這個時候，用我們隨身帶備的即影即有打印機，將剛才的合照印出來。難得和明星合照了，我當然想拿簽名啦！於是，我就豎起我的大耳朵，一聽到Amy由直播室出來，就一個箭步，拿了相片請她簽名留念。任務完成！不過，直播室的工作人員已經大叫：「仲有45秒出街！」！於是我匆匆忙忙趕入去，見到Circle媽已經準備好，坐定定了！我就連用來收音的‘咪’都仍未掛好，人一急，就慌了。結果，基本上整個訪問都不知自己說了什麼！嘻嘻！
由於是直播節目，所以沒法給大家看了，不知有沒有朋友湊巧在這段時間有收看有線電視27台或香港寬頻電視506台呢？
豆豆媽
吖吔.......我地冇得睇呀!!!下次去無線做訪問吖,唔該!! p.s.豆爸隨身都帶備printer??勁呀!!
回覆刪除囡囡受同circle好上鏡吖! 你地有冇set record 吖?可以借俾我睇!
回覆刪除好勁呀，上電視接受訪問，可否印個腳印俾我嗎？ ｆａｎｓ甲上
回覆刪除點解你成日有得上鏡既? 人地點識你架? 你好似狗狗既經理人咁...莫非佢地出名會幫你賺錢? 呵呵~
回覆刪除我好想睇呀! 係何時何日呀??? 睇吓搵唔搵得番??
回覆刪除小吉妹妹：唔係呀嘛！無線？會好驚驚！
回覆刪除But But：多謝！ 我地屋企都冇有線，所以自己都冇得睇。
回覆刪除Fans 甲：你想要Circle或囡囡的腳印？
回覆刪除Miffy：冇錯！我其實係豆氏影院創辦人 ，豆豆佢地其實係我旗下四大台柱，室內拍攝片酬每小時計：一條芝士腸，戶外拍攝每小時計：半磅雞肉，指定動作：價錢另議。 備注：交通費、道具另計。
回覆刪除菇B媽：咁都搵得番?? 日期係7月15日。
回覆刪除我睇唔到呀 我唔制呀
回覆刪除嘩...囡囡好型丫 最衰我屋企無裝有線啦...P.S個printer望落好方便...hehehe...
回覆刪除雖然唔知Fans 甲想要Circle定囡囡的腳印, 但攝石狗Circle已急不及待獻上初腳印一個.
回覆刪除Babyarmi：多謝！個printer真係幾方便！
回覆刪除Circle：你果個叫手板 ，請你將‘腳印’再send來啊！
回覆刪除好開心呢~~~~ 電台都上埋. 邊度冇你地蹤跡?? 哈哈!
回覆刪除嘻嘻！邊係呢！邊係呢！
回覆刪除搵唔倒啊... 下次早d 同我地講聲, 等我可以睇啊!!! 嚟緊呢幾個月囡囡的檔期係點呢??? fans好想知道!
回覆刪除哎呀!! 唔知有冇得重播呢? 好想睇呀! 哈! Ming點解Circle去左你個邊坐既
回覆刪除菇B媽：呢幾個月咁熱，囡囡主要活動就梗係游水啦！練好D參加08奧運！哈哈！
回覆刪除Mandy：呵！混亂之中摟錯添！ 而且，我有小食在身，Circle咪嗤住我囉！
回覆刪除circle既手指甲都好長bor 真係恨死隔離la，妳同囡囡成日都上鏡gei。 係呢，妳呢個經理媽會同囡囡收幾多回傭呢？
回覆刪除minnie：回佣？最多咪幾粒狗糧囉！
回覆刪除minnie, circle修完甲先影相架, 而家興水晶甲吖麻
回覆刪除我無互動電視呢... 好想睇啊...
回覆刪除Hello Ming (豆豆媽), long time no see la!! I have browsed the yahoo Blog and found yours. I still remember joining you for the boat trip last year. Do you still remember my corgi baby - Lok Lok (when she was 7 months old)? She is 18 months old now. And moreover, I adopted one more abandoned corgi. She is called Bo Bo. She was re-home to my family when she was only 2 months old. She is now 8 months old. I just sent her to desex this morning. Please visit my bog when you have time.
回覆刪除